"Azər-Türk Bank" Açıq Səhmdar Cəmiyyətində fiziki şəxslərə Azərbaycan manatı, ABŞ dolları, avro, Rusiya rublu və Türkiyə lirəsində cari hesablar açılır. Hesabların açılması və onlar üzrə əməliyyatların aparılması rejimi Azərbaycan Respublikasının qanunvericiliyinə və Bankın daxili qaydalarına uyğun olaraq həyata keçirilir. Cari hesabların açılması üçün fiziki şəxslərdən aşağıdakı sənədlər tələb edilir:
- şəxsiyyəti təsdiq edən sənədin surəti;
- ərizə və imza nümunəsi vərəqəsi.

Hesab vasitəsilə nağd pulun çəkilməsi və yatırılması, ölkədaxili və xarici köçürmələrin aparılması və ödənişlərin qəbul edilməsi, xarici valyutanın alqı-satqısı və s. əməliyyatların həyata keçirilməsi mümkündür.

Hesabın açılması və onlar üzrə aparılmış əməliyyatlara görə xidmət haqqı "Azər-Türk Bank" Açıq Səhmdar Cəmiyyətinin tariflərinə uyğun olaraq tutulur.